ژیانی (Roger Garudi) لە گومڕاییەوە بەرەو نوری هیدایەت

زۆر لە ئێمە ناوی گارودیمان بیستووە. بەتایبەتی کۆمۆنیستەکان باش گارودی دەناسن چونکە گارودی مامۆستای مامۆستای کۆمۆنیستەکان بووە.بەڵام گەیشتە ئەو قەناعەتەی کە تەنها دینی ئیسلام حەقە. لێرەدا بە کورتی باسی ژیانی گارودی بۆ ئێوەی بەڕێز دەخەینە ڕوو. تا بزانین کە چۆن لە دوای گه‌ڕانێکی زۆر به‌دوای دۆزینه‌وه‌ی ڕێگای ڕاست و یه‌قیندا . گارودی لە گومڕاییەوە بەرەو ڕێگای ڕاست هیدایه‌تی وه‌رگرت.

گارودی له‌ دایك بوی ساڵی 1913ی وڵاتی فه‌ره‌نسایه‌. ناوبراو له خانه‌واده‌یه‌کی مه‌سیحی له‌ دایك بووه‌ له‌ ته‌مه‌نی 14 ساڵیدا چۆته‌ سه‌ر دینی پرۆتستانت. له‌ سه‌ره‌تای لاوێتیدا چۆته‌ ڕیزی حزبی شیوعیەوە. وه‌ بووه‌ به‌ ئه‌ندامی چالاکی حزبی شیوعی فه‌ره‌نسا، وه‌ له‌ ساڵی 1945 بووه‌ به‌ ئه‌ندام په‌ڕله‌مانی فه‌ره‌نسا ، وه‌ هه‌روه‌ها له‌ ساڵی 1953 دکتۆرای له‌‌ فه‌لسه‌فه‌ له‌ زانکۆی (سوربون) وه‌رگرتووه‌، وه‌له‌ ساڵی 1954 له‌ وڵاتی ڕوسیا شه‌هاده‌ی دکتۆرای له‌ زانستدا وه‌رگرتووه‌. دواتر له‌ ساڵی 1970 به‌ ئه‌ندامی ئه‌نجومه‌نی پیران هه‌ڵبژێردراوه‌. دواتر (سەنتەری خوێندن و لێکۆڵینەوەی مارکس)ی دامه‌زراندووه‌ وه‌ بۆ ماوه‌ی 10 ساڵ به‌ڕێوه‌به‌ری ئه‌و ده‌زگایه‌ بووه‌. دوای ئه‌م ساڵانه‌ و ئه‌و خوێندن و گه‌ڕانه‌ به‌دوای یه‌قیندا، خوای گه‌وره‌ دڵی گارودی بۆ ئیسلام کرده‌وه‌ ، قه‌ناعه‌تێکی بۆ دروست بوو که‌ ئیسلام ته‌نها ئه‌وه‌ نییه‌ که‌ مجرد له‌ گه‌ڵ دینه‌کانی دیکه‌دا جیاوازبێت. به‌ڵکوو ئیسلام دینێکی حه‌قه‌ ، وه‌ له‌و کاته‌وه‌ی خوای گه‌وره‌ مرۆڤی دروستکردووه‌ ئه‌و دینه‌شی بۆ داناوه‌. بۆیه‌ له‌ کۆتایدا گارودی ئیسلامه‌تی خۆی ڕاگه‌یاند. وه‌ دوای ئەوە چه‌ندین کتێبی له‌سه‌ر ئیسلام نوسییوه‌.

دوا هه‌ڵوێستی گارودی له‌سه‌ر وێنه‌ ناقۆڵاکانی دانیمارك بوو. گارودی دروستکردنی ئه‌و وێنانه‌ی ئیدانه ‌کرد و به‌ پلانێك دژ بە ئیسلام ناوی برد.

دوای ئه‌وه‌ی ڕۆژنامه‌یه‌کی دانیمارکی چه‌ند وێنه‌یه‌کی ناقۆڵای دژی پێغه‌مبه‌ری خۆشه‌ویستمان سەلامی خوای لەسەر بێت بڵاو کرده‌وه‌. گارودی به‌ توندی ئیدانه‌ی ئه‌و کاره‌ی کرد و به‌ فیتی ئه‌مریکا ناوی برد. وه‌ هه‌روه‌ها گوتی دوڕویییه‌ك له‌ دوژمنانی ئیسلامدا به‌دیده‌کرێت به‌ناوی ئازادی ڕا ده‌ربڕین. هه‌روه‌ها گارودی گوتی من کاتێك کتێبێکم له‌سه‌ر مه‌سه‌له‌ی (هۆلۆکوست) نوسی و بڵاو کرده‌وه‌. ڕوبه‌ڕوی دادگا کرامه‌وه‌ و به‌ سزای دارایی مه‌حکوم کرام و پێیان گوتم ئه‌و مه‌سه‌له‌یه‌ خه‌تی سوره‌ و بۆ هیچ که‌سێك نییه‌ به‌ناوی ئازادی ڕا ده‌ربڕین به‌ خراپه‌ باسی جوله‌که‌ بکات. به‌ڵام بۆ دوژمنانی ئیسلام خه‌تی سور نییه‌ ئه‌گه‌ر سوکایه‌تی به‌ پێغه‌مبه‌ر و دینی ئیسلام بکه‌ن.

وەرگێڕان و نوسینی نەسرەت